पिंपरी, ता. १९ : शेअर मार्केटमध्ये गुंतवणूक करण्याचे सांगत एका महिलेचे पैसे न गुंतवता महिलेची एक लाख ९६ हजार २८६ रुपयांची फसवणूक केल्याप्रकरणी पोलिसांनी दोघांना अटक केली आहे. ही घटना १० ते १२ एप्रिल २०२४ या कालावधीत चिंचवड येथे घडली. अजय किसन मांढरे (वय २७), शरद किसन मांढरे (वय २४, दोघे रा. वाल्हेकरवाडी, चिंचवड) अशी अटक केलेल्या आरोपींची नावे आहेत. या प्रकरणी महिलेने चिंचवड पोलिस ठाण्यात फिर्याद दिली आहे. आरोपींनी फिर्यादी महिलेला शेअर मार्केटमध्ये पैसे गुंतवल्यास दुप्पट पैसे मिळतात असे आमिष दाखवले.