धोकादायक झाड काढावे
प्राधिकरणातील विठ्ठल - रुक्मिणी उद्याना शेजारी सावित्रीबाई फुले महापालिका व्यायाम शाळेच्या इमारतीमध्ये मैदानावर ब्रह्मदत्त विद्यालय मतिमंद मुलांची शाळा भरते. शाळेच्या अगदी दरवाजासमोर एक झाड पूर्णपणे वाकलेले आहे. पावसामुळे ते कधीही पडू शकते व इजा होऊ शकते. हे वाकलेले झाड धोकादायक आहे. उद्यान विभागाने दखल घेऊन हे झाड काढून टाकावे.
- रावसाहेब कांबळे, प्राधिकरण
PNE25V21828

विकासनगरजवळ मोठा खड्डा
विकासनगर येथील शिंदे पेट्रोल पंप वॉशिंग सेंटर शेजारी कात्रज - देहूरोड बाह्यवळण मार्गाला लागूनच मोठा धोकादायक खड्डा पडला आहे. त्याची दुरुस्ती रस्ते विकास महामंडळाने केलेली नाही. त्याने मोठा अपघात घडण्याची शक्यता आहे. हे लक्षात घेऊन त्वरित कार्यवाही करावी.
- रवींद्र कदम, विकासनगर, किवळे
PNE25V21826

मासुळकर कॉलनीत कचरा
पिंपरी येथील मासुळकर कॉलनी परिसरातील मनीष गार्डन सोसायटी, स्वप्ना नगरीमधील पदपथावर राडारोडा पडला आहे. सगळीकडे कचराच कचरा पडला आहे. पदपथाची दुरवस्था झाली आहे. त्यावर पाणी साचत आहे. त्याने डासांचा फैलाव होण्याची भीती आहे. महापालिकेने त्वरित दुरुस्ती करणे आवश्‍यक आहे.
- आदित्‍य देशपांडे, मासुळकर कॉलनी
PNE25V21829

पथदिव्यांवर केबल्सचे जाळे
आदित्य बिर्ला रुग्णालयासमोरील रस्त्यावर केबल्सचे जाळे असून पथदिव्यांचे खांब व झाडांवरून अशाप्रकारे केबल्स टाकण्यात आल्या आहेत. वारा वादळामुळे झाड, फांदी तुटली; तर अनर्थ होऊ शकतो. तत्पूर्वी संबंधितांनी सत्वर कारवाई करावी. ही अपेक्षा !
- शरद लासूरकर, थेरगाव
PNE25V21827