पिंपरी, ता. २५ : चिंचवड येथे बिजलीनगर ज्येष्ठ नागरिक संघातील सभासदांच्या नातवंडांचा सत्कार करण्यात आला. यावेळी इयत्ता दहावीत ८०टक्के, इयत्ता बारावीत ७५ टक्के गुण मिळवून उत्तीर्ण झालेल्या १४ विद्यार्थी व विद्यार्थिनींचा गौरव करत त्यांना भेटवस्तू देण्यात आली. कार्यक्रमाच्या सुरुवातीला पहलगाम येथील हल्ल्यात, अहमदाबाद येथे विमान अपघातात आणि कुंडमळा येथे पूल पडून मृत्यूमुखी पडलेल्या नागरिकांना श्रद्धांजली वाहण्यात आली. दरम्यान, कार्यक्रमाच्या अध्यक्षस्थानी किसन महाराज चौधरी हे होते. यावेळी विद्यार्थ्यांनी मनोगत व्यक्त केले. पालक राहुल खिस्ते, अशोक भंगाळे यांनीही भाषण केले. कार्यक्रमाचे आयोजन अध्यक्ष प्रकाश निसळ, उपाध्यक्ष अशोक भंगाळे, कार्याध्यक्ष जयवंत भोसले, कोषाध्यक्ष मुरलीधर चोपडे, सहकोषाध्यक्ष वाल्मीक शर्मा, शालिनी थोरवे, आशा पाटील यांनी केले.
सूत्रसंचालन अनुराधा चैतन्य यांनी केले.