बेवारस मोटरसायकल पडून
दापोडी गावठाणातील विठ्ठल आळी परिसरात भोईराज भवन गल्लीमध्ये वहिवाटीच्या रस्त्‍यात मोटार सायकल पडून आहे. रहिवासी लोकांना तिचा अडथळा होत असून महापालिका प्रशासन आणि पोलिसांनी याची दखल घ्यावी आणि मोटार सायकल हटवून रस्ता मोकळा करावा.
- विश्‍वजीत कांबळे, दापोडी
PNE25V24334

सूचना फलक कोसळण्याची शक्यता
पेठ क्र. २७ आणि पेठ क्र. २५ निगडी प्राधिकरण बिग इंडिया ध्वजस्तंभ व सूचना फलक पडण्याची शक्यता आहे. त्यामुळे अपघातदेखील होऊन शकतो. त्यांची वेळीच दुरुस्ती करावी.
- सिराज बशीर शेख, आकुर्डी
PNE25V24335

जमिनीतील टाकीचा भाग खचला
भोसरीच्या संत निरंकारी कॉलनी सांडपाण्याचा चेंबर पूर्ण खचला आहे. धोकादायक परिस्थिती निर्माण झाली आहे. जमिनीतील टाकी किंवा चेंबरचा काही भाग खचल्यामुळे आणि दबल्यामुळे तिथे खड्डा पडला आहे. त्यामुळे, तिथे अपघात होण्याची शक्यता आहे.
- शैलेश सिरसाठ, विजयनगर, काळेवाडी
PNE25V24333

चेंबरमधील सांडपाणी रस्त्यावर
दापोडीतील पवार वस्ती येथील नालंदा बौद्ध विहाराजवळ विजय जाधव व इकरार अन्सारी या रहिवाशांच्या घरासमोरील रस्त्यावर सांडपाण्याचा चेंबर तुडुंब भरुन वाहत आहे. स्थानिक नागरिकांच्या आरोग्याच्या प्रश्न निर्माण झाला आहे. चेंबर साफ करणारे ठेकेदार व त्यांचे कामगार वर्ग यांना संपर्क केला असता अरेरावीची भाषा केली जाते. समस्या सोडविण्यास येत नाही. ह क्षेत्रीय अधिकारी देखील या समस्येची दखल घेत नाही. तरी लवकरात लवकर ही समस्या सोडवावी.
- विनायक कांबळे, पवार वस्ती, दापोडी
PNE25V24332