पिंपरी, ता. ८ : वल्लभनगर एस.टी. बसस्थानक आणि पीएमपीएच्या नेहरूनगर डेपोत अत्याधुनिक वॉटर कूलर बसवण्यात आला. रोटरी क्लब ऑफ पिंपरी टाउनतर्फे ही मदत करण्यात आली. यामुळे प्रवासी आणि कर्मचाऱ्यांना स्वच्छ आणि थंड पाणी उपलब्ध होणार आहे. या कार्यक्रमाला रोटरी क्लबच्या अध्यक्षा अनिता शर्मा, सचिव व्हिन्सेंट जोसेफ, विनोद कालेकर, संतोष भालेकर, अनिल शर्मा, वर्षा पांगारे, माजी अध्यक्ष भाऊसाहेब पांगारे, चालक, वाहक आणि वर्कशॉप कर्मचारी उपस्थित होते. आगार व्यवस्थापक पल्लवी पाटील यांनी रोटरी क्लबच्या मदतीबद्दल कृतज्ञता व्यक्त केली.