पिंपरी, ता. १३ ः महाराष्ट्र इकॉनॉमिक डेव्हलपमेंट कौन्सिलने (एमईडीसी) एमएसएमई कपॅसिटी बिल्डिंग समिटचे हिंजवडी येथे बुधवारी (ता. १७) आयोजन केले आहे. त्यामध्ये माहिती तंत्रज्ञान, कृत्रिम बुद्धिमत्ता, हेल्थकेअर व ग्लोबल केपेबिलिटी सेंटर या विषयांवर चर्चा होणार आहे. तंत्रज्ञान क्षेत्रातील तज्ज्ञ, उद्योग तज्ज्ञ, ग्लोबल केपेबिलिटी सेंटर (जीसीसी ) प्रतिनिधी, नवोन्मेषक, उद्योजक आणि धोरणनिर्माते यांना एकत्र आणून भविष्योन्मुख क्षमतावाढ आणि सहकार्याच्या संधींचा शोध घेतला जाणार आहे. हिंजवडी येथील ताज विवांता येथे सकाळी नऊ ते सायंकाळी सहा या वेळेत ही परिषद होणार आहे. सहभागी होण्यासाठी स्टार्ट अप, नवउद्योजक, व्यावसायिकांनी ९३२२३५७५६७ या दूरध्वनीवर क्रमांकावर संपर्क साधून नोंदणी करावी. तसेच medc@medcindia.com या ईमेलवर संपर्क साधता येईल. अधिक माहितीसाठी www.medcindia.com या संकेतस्थळाला भेट द्यावी, असे आवाहन आयोजकांनी केले आहे.
-------