पिंपरी, ता. १८ ः यशवंतराव चव्हाण प्रतिष्ठान पिंपरी-चिंचवडतर्फे ‘श्यामची आई’ पुरस्कार मुदखेड येथील मुख्याध्यापक विजयकुमार बेंबडे आणि त्यांच्या आई शारदाबाई बेंबडे यांना प्रदान केला. अध्यक्षस्थानी समाजवादी नेते अ‍ॅड. रामचंद्र बागल होते. ज्येष्ठ साहित्यिक डॉ. श्रीपाल सबनीस, डॉ. जगदीश कदम आणि प्राचार्य डॉ. नागनाथ पाटील उपस्थित होते. शाल, पुष्पगुच्छ, सन्मानचिन्ह, सन्मानपत्र आणि ग्रंथ असे पुरस्काराचे स्वरूप आहे. गिरगाव येथील बहिर्जी विद्यालयाचे शिक्षक श्रीनिवास मस्के यांना साने गुरुजी विचार साधना आणि संगीता देशमुख, पांडुरंग बोराडे आणि मुंजाजी जोगदंड यांना साने गुरुजी शिक्षक प्रतिभा पुरस्काराने सन्मानित केले. प्रतिष्ठानचे अध्यक्ष पुरुषोत्तम सदाफुले यांनी प्रास्ताविक केले. राजेंद्र वाघ यांनी सूत्रसंचालन केले. इंद्रजीत पाटोळे यांनी आभार मानले.
---