पिंपरी, ता. २ : दापोडी येथील हॅरिस पुलावरून एका तरुणाने बुधवारी (ता. २) रोजी सकाळी दहा वाजण्याच्या सुमारास नदीमध्ये उडी मारली. खडकवासला धरणातून पाणी सोडल्याने पाण्याचा प्रवाह वाढला आहे. त्यामुळे तरूण बेपत्ता झाल्याची माहिती पोलिस तसेच अग्निशमन विभागाने दिली.
पोलिसांनी दिलेल्या माहितीनुसार, एका तरुणाने हॅरिस पुलावरून नदीमध्ये उडी मारली. या घटनेचा व्हिडिओ पोलिसांना अज्ञात व्यक्तीने पाठविला होता. त्यानुसार पोलिस तसेच अग्निशमन विभागाचे कर्मचारी घटनास्थळावर दाखल झाले. पाण्याचा प्रवाह वाढल्याने तरुणाला शोधण्यास बचाव पथकाला प्रयत्नांची पराकाष्ठा करावी लागली. तपास कार्य उशिरापर्यंत सुरू होते. तरुणाने उडी घेण्यापूर्वी सुसाइड नोट लिहून ठेवली आहे, अशी माहिती अधिकाऱ्यांनी दिली.