पिंपरी, ता. २ : दापोडी येथे एका चारचाकीच्या अपघातात दोन दुचाकीचे नुकसान झाले असून, चालक जखमी झाले. ही घटना बुधवारी (ता. २) सकाळी अकराच्या सुमारास सीएमइ गेट समोर घडली.
पोलिसांनी दिलेल्या माहितीनुसार, सांगवीवरून पुण्याकडे जाणाऱ्या चारचाकीच्या चालकाचे वाहनावरील नियंत्रण सुटले. त्यामुळे समोरील दोन दुचाकींना धडक बसली. जबर मार लागल्याने दुचाकीवरील चौघांना ससून रूग्णालयात दाखल केले. तर चारचाकीच्या चालकासदेखील दुखापत झाल्याचे पोलिसांनी सांगितले. रात्री उशिरापर्यंत गुन्हा दाखल करण्याचे काम सुरू होते. संबंधित घटनेची माहिती देण्यास पोलिसांनी टाळाटाळ केली.
...