शेडमध्ये दिवे बसवा
पिंपळे निलख येथील माजी महापौर कै. प्रभाकर साठे पाटील उद्यानाच्या मध्यभागी नागरिकांना बसण्यासाठी गोल आकर्षक असे पत्र्याचे मंडप आणि शेड बनविले आहे. मात्र, त्यात दिवे नसल्याने अंधार असतो. त्यामुळे नागरिकांची गैरसोय होत आहे. संबंधित विभागाने तेथे दिवे बसवावेत.
- सनी शिंदे, पिंपळे निलख
25V29720

नियमित साफसफाई करा
पिंपळे निलख येथील कल्पतरू इस्टेट फेज २ रस्त्याच्या कडेला कचरा पडलेला आहे. तेथे नियमितपणे स्वच्छता होत नाही. त्यामुळे दुर्गंधी सुटत आहे. आरोग्य विभागाने तेथे नियमित स्वच्छता ठेवावी.
- सचिन जंगम, पिंपळे निलख
PNE25V29719

पादचारी मार्गावरील अडथळे दूर करा
जगताप डेअरीजवळील वरद हाउसिंग सोसायटीच्या पादचारी मार्गावर महावितरण कंपनीचे डीपी आणि झुडपे, वेली आहेत. तेथून पादचाऱ्यांना ये - जा करता येत नाही. त्यामुळे त्यांना धोका पत्करून मुख्य रस्त्याचा वापर करावा लागतो तरी पादचारी मार्गावरील अडथळे दूर करावेत, अशी नागरिकांची मागणी आहे.
- पंडित सुतार, वाकड
PNE25V29717

परंडवाल चौकाची दुरवस्था
देहूगाव येथील परंडवाल चौकात रस्त्याची अवस्था वाईट झाली असून संध्याकाळी वाहतूक कोंडी होत आहे. तसेच हा चौक अपघाताचा केंद्रबिंदू बनू शकतो. सिग्नल देखील काम करत नाही.
- सचिन वरघडे, देहूगाव
PNE25V29718

विद्यार्थ्यांची चिखलामधून वाट
गेल्या दोन महिन्यांपासून अत्यंत वर्दळीच्या आकुर्डीतल्या सेंट उर्सुला शाळेच्या मुख्य रस्त्यावर विद्यार्थी, पालकांना चिखलातून वाट काढावी लागत आहे. प्रशासनाने त्याची गंभीर दखल घ्यावी, ही विनंती.
- सुनील मोरे, आकुर्डी
PNE25V29724