पिंपरी, ता. १२ : पाच जणांच्या टोळक्याने रस्त्यालगत पार्क केलेल्या दोन खासगी बससह इतर गाड्यांची तोडफोड करून, परिसरात दहशत माजवली. ही घटना पिंपरीतील साधू वासवानी उद्यानासमोर घडली.
स्वराज गणेश पानकडे (वय १९), आशिष राजेंद्र जाधव (वय २५), शिवराज भाऊसाहेब खोसे (वय २२), सुशांत महादेव शेंडगे (वय २३, सर्व रा. पिंपळे निलख) अशी अटक केलेल्या आरोपींची नावे आहेत. तर त्‍यांच्‍या एका साथीदारावर गुन्‍हा दाखल झाला आहे. या प्रकरणी घनशाम त्रिलोकनाथ गुप्ता (रा. वैभवनगर, पिंपरी) यांनी पिंपरी पोलिस ठाण्‍यात फिर्याद दिली आहे. फिर्यादी यांनी त्यांच्या दोन खासगी बस सार्वजनिक रस्‍त्‍यालगत पार्क केल्‍या होत्या. या बसची आरोपींनी दगड व दांडक्याने तोडफोड केली. दरम्यान, फिर्यादी यांनी त्यांना बसच्या काचा का फोडता, असे विचारले असता आरोपींनी फिर्यादी व त्यांचे भाऊ डॉ. विजय यांना शिवीगाळ करून बेदम मारहाण केली. तसेच ‘आम्ही येथील भाई आहोत, आमच्या नादाला तुम्ही लागू नका’ असे म्हणत दहशत माजवली. तसेच फिर्यादीच्या दोन बससह इतर गाड्यांची तोडफोड केली.
--------------------------------------------------