पिंपरी, ता. २० : जिजामाता विद्यालयात कुमारवयीन विद्यार्थ्यांसाठी ‘कळी उमलताना’ या कार्यक्रमाचे आयोजन केले होते. या उपक्रमांतर्गत महिलांच्या मासीक पाळीचे आजार व ‘पीसीओडी’वरील प्रतिबंध व उपचारांसंदर्भात स्त्री रोगतज्ज्ञ डॉ. योगेश‌ गाडेकर यांनी माहिती दिली. रोटरी क्लब ऑफ डायनॅमिक भोसरी, शिवनेरी हॉस्पिटल, आनंद मल्टिस्पेशालिटी हॉस्पिटल आणि अल्बर्ट डेव्हिड फार्माच्यावतीने हे उपक्रम घेण्यात आले. यावेळी रोटरी क्लब ऑफ डायनॅमिक भोसरीचे अध्यक्ष डॉ. संतोष मोरे, दीपक सोनवणे, बाळासाहेब कोते, सुनील पाटे पाटील, संदीप चोपडे, शरद वाघ, अमित कुलकर्णी आणि जिजामाता शाळेचे मुख्याध्यापक नीलेश गायकवाड व शिक्षक उपस्थित होते. सूत्रसंचालन गायत्री हिले यांनी केले.