उपचार सुविधा मुबलक;
यंत्रणेतील त्रुटीमुळे मनस्ताप

पिंपरी : केसपेपरसाठी रांगा, डॉक्टरांच्या केबिनबाहेर शिस्तीत बसलेले रुग्ण व नातेवाईक, त्यांची डॉक्टरांकडून विचारपूस आणि योग्य सल्ला असे दिलासादायक चित्र महापालिकेच्या यशवंतराव चव्हाण स्मृती रुग्णालयाच्या (वायसीएम) बाह्यरुग्ण विभागात पाहायला मिळाले.
विविध व्याधींनी ग्रस्त रुग्ण आणि नातेवाईक सोमवारी (ता. २१) सकाळी नऊपासूनच आले होते. पण, ओपीडीचे दिशादर्शक फलक आणि माहिती देणारी योग्य यंत्रणा नसल्याने रुग्ण व नातेवाइकांची धावपळ दिसली. यामुळे रुग्णांना शोधाशोध करावी लागली. केस पेपरसाठी गेलेल्या रुग्णांना ‘सुट्टे पैसे द्या’, नाहीतर ‘राहिलेले पैसे नंतर घेऊन जा’ असा सल्ला मिळत होता. काही रुग्णांना औषधे उपलब्ध नसल्याचे सांगून बाहेरून घेण्यास सांगत होते. त्यामुळे रुग्णालय सर्व सुविधा उपलब्ध असल्या तरी यंत्रणांच्या त्रुटी दिसून आल्या.

हाताला लागल्याने रुग्णालयात आले. डॉक्टरांनी व्यवस्थित तपासणी करून औषधे दिली. औषध खिडकीवर मला काही गोळ्या औषधे दिली. उर्वरित बाहेरून घेण्यास सांगण्यात आले. मागच्या वेळेसही काही औषधे बाहेरून घ्यावी लागली.
- पौर्णिमा दौंडकर, रुग्ण

रुग्णालयात स्वच्छता : आहे
बाह्यरुग्ण विभागात डॉक्टर : होते
रुग्णांची व्यवस्थित तपासणी : होते
औषधे : काही औषधे बाहेरुन घेण्यास सांगतात
सुरक्षा व्यवस्था : आहे