पिंपरी, ता.२५ : भोसरी येथील टागोर शिक्षण संस्थेच्या विद्यार्थ्यांनी इयत्ता आठवी व पाचवी शिष्यवृत्ती परीक्षेमध्ये यश प्राप्त केले आहे. या मध्ये पिंपरी चिंचवड शहरातून निवड होणाऱ्या ९९ विद्यार्थ्यांपैकी १० विद्यार्थी टागोर शिक्षण संस्थेचे शिष्यवृत्ती परीक्षेसाठी पात्र झाले आहेत. त्याचप्रमाणे पाचवी शिष्यवृत्ती परीक्षेतही संस्थेचे चार विद्यार्थी जिल्हा गुणवत्ता यादीत आले आहेत.

यशस्वी विद्यार्थी व कंसात गुण
तिरुपती कुंजेटवाड (२७०) , प्रीतम काळे (२७०), सिद्धेश दळवी (२५४), ओम जगताप (२४२), वैभवी पेखळे (२३४), नम्रता हुरमुंजे (२३४), गौरी पंदेवाड (२३०), विशाल गर्दनमारे (२२६), प्रथमेश उकिरडे (२२० गुण), श्लोक कस्पटे (२१६) त्याचप्रमाणे पाचवीतील श्लोक वाघमारे (२६४), नयन हुरमुंजे (२५२), अमन सोलंकी (२३०), संदेश सुगंधे (२२०) या विद्यार्थ्यांनी जिल्हा गुणवत्ता यादीत क्रमांक मिळवला.

गुणवंत विद्यार्थ्यांचे आणि मार्गदर्शक शिक्षकांचे शाळेचे अध्यक्ष अण्णासाहेब मगर सहकारी बँकेचे अध्‍यक्ष नंदकुमार लांडे, तसेच सचिव सुरेश फलके, उपाध्यक्ष महेश घावटे यांनी अभिनंदन केले. मुख्याध्यापक संतोष काळे, उद्धव ढोले, हनुमंत आगे, मनीषा गुरव व पर्यवेक्षक शिवाजी गुरव, शशिकांत ताठे (इयत्ता पाचवी), सुखदेव बनसुडे (इयत्ता आठवी) संजय कुंभार, किसन घाडगे, कृष्ण भालेराव या शिक्षकांनी विद्यार्थ्यांना मार्गदर्शन केले.