पिंपरी, ता. २८ : पिंपरी चिंचवड येथील महासाधू श्री मोरया गोसावी समाधी मंदिरातून निघणाऱ्या द्वारयात्रेचा समारोप भक्तिमय वातावरणात करण्यात आला.
शेवटच्या दिवशी व्दारयात्रा उत्तरद्वार असलेल्या आकुर्डी येथील मुक्ताई देवी मंदिराकडे मार्गस्थ झाली. सकाळी साडेदहाच्या सुमारास मुक्ताई देवी मंदिरात पोचली. या ठिकाणी देवीचे पूजन करून गोंधळ, जोगवा असे धार्मिक विधी परंपरेप्रमाणे पार पडले. तसेच देवीची ओटी भरून नागपंचमीसाठी देवीला निमंत्रण देण्यात आले. त्यानंतर आकुर्डीतील तुळजा भवानी मंदिरामध्ये प्रसाद वाटप करण्यात आले. परतीच्या प्रवासात खंडोबाचे दर्शन घेण्यासाठी व्दाररात्रा थांबली.या ठिकाणी चिंचवड देवस्थानचे मुख्य विश्‍वस्त मंदार महाराज देव यांचा सन्मान करण्यात आला आणि व्दारयात्रा पुन्हा चिंचवडकडे मार्गस्थ झाली.