पिंपरी, ता. ३० ः आकुर्डी येथील प्रा. रामकृष्ण मोरे महाविद्यालय, सिद्धांत कॉलेज ऑफ फार्मसी, डिप्लोमा कॉलेज ऑफ फार्मसी या महाविद्यालयांमध्ये सकाळ माध्यम समूहाच्या ‘यिन’अंतर्गत ‘माझं महाविद्यालय, माझी स्वच्छता’ हा उपक्रम राबवला. या उपक्रमाअंतर्गत विद्यार्थ्यांनी स्वच्छतेचा संदेश दिला.
या उपक्रमांतर्गत विद्यार्थ्यांनी आपापले विभाग, महाविद्यालयीन आवार स्वच्छ केले. विशेषतः प्लास्टिक संकलन करून त्याची योग्य विल्हेवाट लावली. यावेळी विद्यार्थ्यांनी ‘मी माझं घर आणि माझं महाविद्यालय नेहमी स्वच्छ ठेवेन’, अशी प्रतिज्ञा करून स्वच्छतेचा संदेश दिला.
प्रा. रामकृष्ण मोरे महाविद्यालयातील उपक्रमाचे आयोजन कोअर टीम सदस्य धारा राठौर, प्रगती मसाळ, अंकिता सिंह, प्रणव भोसले, रेणुका कोचुरे, साहिल टिंगरे, विकास मलगोंडा, अंकिता मोरे यांनी केले. प्रा. डॉ. शिल्पागौरी गणपुले आणि प्रा. समिंदर पी.बी यांचे सहकार्य लाभले; तर प्राचार्य डॉ. अभय खंडागळे यांचे मार्गदर्शन मिळाले.
सिद्धांत कॉलेज ऑफ फार्मसी आणि डिप्लोमा कॉलेज ऑफ फार्मसीतील उपक्रम प्राचार्या डॉ. स्वाती देशमुख यांच्या मार्गदर्शनाखाली ‘यिन’ समन्वयक पूजा सावंत आणि स्वप्नाली गिरमे यांच्या पुढाकारातून राबविण्यात आला. दोन्ही उपक्रमांचे नियोजन यिन अधिकारी चेतन लिम्हण यांनी केले.