चिखली ः चिखली परिसरातील अंगणवाडी तसेच वाघू साने चौक ते चिंचेचा मळा या रस्त्यावर मोठ्या प्रमाणात खड्डे पडले असून, खड्डे बुजविण्यासाठी खडी टाकली आहे. खडीवरून वाहन चालविताना दुचाकीस्वार घसरून पडत असून, मोठ्या वाहनांच्या चकाखालील खडे उडून नागरिक जखमी होत असल्याच्या घटना घडत आहेत.
चिखली परिसरातील बहुतांशी रस्त्यावर खड्डे पडून ते खराब झाले आहेत तसेच पालिकेने जलवाहिन्या आणि पावसाळी गटारी करण्यासाठी अनेक ठिकाणी खुदाई करून ठेवली आहे. मात्र, खुदाई करण्यात आलेल्या ठिकाणी रस्ते अपूर्ण आहेत. दरम्यान रस्ते दुरुस्ती करण्यासाठी रस्त्यावर पडलेल्या खड्ड्यामध्ये खरी टाकण्यात येत आहे. खोदलेल्या रस्त्यावरील खडी पसरविण्यात आली आहे. रस्त्यावर टाकण्यात आलेल्या खडीमुळे दुचाकी स्वार विशेषतः महिला दुचाकी चालवत असताना खडी आणि रस्त्यावर टाकण्यात आलेली चाळ यावर घसरून पडत आहेत. तसेच वाहनांच्या टायर येत असलेली खडी उडून ती पायी जाणाऱ्या नागरिकांना लागून जखमी करत आहे. तरी खडी आणि खड्डे असलेल्या ठिकाणी डांबर टाकून रस्ता दुरुस्ती करावी आणि होणारे अपघात टाळावीत, अशी मागणी नागरिकांच्या वतीने करण्यात येत आहे.

रस्त्यांवरील खड्डे बुजविले जात आहे. त्यासाठी खडी पडलेल्या ठिकाणी डांबर टाकण्याची सूचना संबंधितांना दिली आहे.
- व्ही. डब्ल्यू. वायकर, स्थापत्य अभियंता, महापालिका

चिखली परिसरातील रस्त्याची चाळण झाली आहे. रस्त्याची कायमची दुरुस्ती करण्याऐवजी खडी टाकली जात आहे. त्यामुळे अपघात होत आहेत.
- विजय जरे, सामाजिक कार्यकर्ते, चिखली

ssociated Media Ids : PNE25V36315, PNE25V36316