अवजड वाहनांमुळे जीव धोक्यात
तळेगाव स्टेशन ते वैराळे रस्त्यावर जागोजागी असे अर्धवट काम करून ठेवले आहे. अवजड वाहनांची कायम ये-जा असणाऱ्या या रस्त्यावर पादचाऱ्यांना जीव धोक्यात घालून चालणे भाग पडत आहे.
- मोहन गद्रे, तळेगाव दाभाडे.
PNE25V36351

भटक्या श्वानांचा तातडीने बंदोबस्त व्हावा
पिंपरी-चिंचवड शहरातील भटक्या श्वानांचा बंदोबस्त करण्याची मागणी जोर धरत आहे. शहरातील अनेक भागांत हा उपद्रव वाढला असून, नागरिकांमध्ये भीतीचे वातावरण आहे. पिंपरी चिंचवड लिंक रोडवर गजानन महाराज मंदिरासमोर भटके श्वान कायम बसलेले असतात. तेथे दर्शनास येणाऱ्या लोकांना त्रास होतो.
- सां. रा. वाठारकर, चिंचवड.
25V36349

ताथवडे चौकात सिग्नलमध्ये बदल आवश्यक
ताथवडे चौकातील सिग्नलला उजवीकडे वळण्यासाठी फक्त १५ सेकंद वेळ ठेवली आहे. रावेतच्या दिशेने येणारी बरीचशी वाहने हिंजवडीला जाण्यासाठी ताथवडे चौकात उजवीकडे वळतात. परंतु सिग्नलचा वेळ अत्यंत कमी असल्याने वाहने पुढे जाईपर्यंत डांगे चौकाच्या दिशेने येणाऱ्या बाजूचा सिग्नल सुरू होतो. त्यामुळे वाहने मध्येच थांबवावी लागतात. यामुळे विशेषतः गर्दीच्या वेळेस वाहतूक कोंडी होऊन वाहनचालकांना विनाकारण मनस्ताप सहन करावा लागत आहे. त्यामुळे प्रशासनाने येथील सिग्नलची वेळ योग्य ठरवावी. डांगे चौकाकडे सरळ व ताथवडेला उजवीकडे जाणारा सिग्नल एकाच वेळी सुटेल अशी सोय करावी. तसेच किमान गर्दीच्या वेळी वाहतूक नियोजन करण्यासाठी अधिकारी नियुक्त करावेत.
- श्रीकांत हिंगमिरे, रावेत
PNE25V36347

झाडांच्या फांद्यांमुळे अडथळे
पिंपळे गुरव येथील सर्वे क्रमांक ७१ शिरोळेनगर पिण्याच्या पाण्याच्या टाकीशेजारील बस स्टॉप पूर्णपणे झाडांनी वेढला गेला आहे. या फांद्या येता-जाता डोळ्यांना लागत आहे. त्यामुळे सदरच्या झाडाच्या फांद्या छाटण्यात याव्यात.
- शशिकांत सावंत, शिरोळेनगर, पिंपळे गुरव
PNE25V36346