पिंपरी, ता. १९ ः केंद्र शासनाच्या स्वच्छ सर्वेक्षणासाठी महापालिका आरोग्य विभागातर्फे विविध अभिनव व परिणामकारक उपक्रम राबविण्यात येत आहेत. यात कचरा व्यवस्थापन प्रणाली अधिक सक्षम करणे, नागरिकांत ओला-सुका कचरा विलगीकरणाची सवय रुजविणे, होम कंपोस्टिंगचा प्रसार करणे, आरआरआर सेंटरचा विस्तार करणे, विविध भागांत शून्य कचरा प्रकल्प प्रभावीपणे राबवून कचऱ्याचे प्रमाण कमी करणे, नागरिक, गृहनिर्माण संस्था, व्यापारी आस्थापना, शाळा व महाविद्यालयांना सहभागी करून जनजागृती करणे, प्रत्यक्ष प्रात्यक्षिके, मार्गदर्शन सत्रे व पाहणी दौरे आयोजित करणे, कचरा विलगीकरण न करणाऱ्या ठिकाणी समुपदेशन करणे, नियमांचे पालन करणाऱ्यांना प्रोत्साहन देणे, स्वच्छता कर्मचाऱ्यांचे प्रशिक्षण, यंत्रसामग्रीचा वापर, तांत्रिक सुधारणा आणि सातत्यपूर्ण देखरेख ठेवणे अशा उपक्रमांचा समावेश आहे. पर्यावरण संवर्धन आणि शाश्वत विकास साधणे हा या मोहिमेचा मुख्य उद्देश आहे.
--