मतदानाची तयारी (फोटो फिचर)

महापालिकेच्या सार्वत्रिक निवडणूकीसाठी आज गुरुवारी मतदान होणार आहे. या पार्श्वभूमीवर मतदान कर्मचाऱ्यांना केंद्रांवरील इलेक्ट्रॉनिक व्होटिंग मशिन (ईव्हीएम) व इतर निवडणूक साहित्याचे वाटप बुधवारी सकाळी करण्यात आले. ‘ब’ क्षेत्रीय कार्यालय प्रभागातील १६, १७, १८ व २२ मतदारसंघात येणाऱ्या मतदान केंद्रांवरील साहित्याचे वाटप ऑटो क्लस्टर, चिंचवड येथे करण्यात आले. यावेळी कर्मचाऱ्यांना मार्गदर्शक सूचना दिल्यानंतर ‘ईव्हीएम मशिन व साहित्याचे वाटप करण्यात आले. कर्मचाऱ्यांनी साहित्य घेतल्यानंतर पीएमपी बसमधून मतदान केंद्रापर्यंत पोलिसांच्या बंदोबस्तात पोहोचले. या प्रसंगी पोलिसांनी बस चालकांना वाहतुकीबद्दल मार्गदर्शन केले. तसेच ज्या कर्मचाऱ्यांना आज मतदानाची ड्यूटी आहे त्यांनी बुधवारीच टपाली मतदान करून आपले कर्तव्य बजावले. त्याचीच ही चित्रमय झलक. (संतोष हांडे : सकाळ छायाचित्रसेवा)