भोसरी औद्योगिक परिसरात गुरुवारी (ता.१८) छत्रपती शिवाजी महाराजांची जयंती उत्साहपूर्ण वातावरणात साजरी करण्यात आली. इंडस्ट्रिज असोसिएशनचे अध्यक्ष अभय भोर यांच्या पुढाकाराने तसेच दुर्गा ब्रिगेडच्या अध्यक्षा दुर्गा भोर आणि उद्योजक कामगारांच्या उपस्थितीत शिवजयंती जल्लोषात साजरी करण्यात आली. कार्यक्रमाची सुरुवात छत्रपती शिवरायांच्या प्रतिमेस पुष्पहार अर्पण व आरती करून करण्यात आली. सर्वांनी एकत्र येऊन शिवरायांच्या विचारांचा जागर केला आणि औद्योगिक क्षेत्रात एकता, शिस्त व राष्ट्रभक्तीचा संदेश दिला.
यावेळी पारंपरिक शस्त्रांची सलामी देऊन शिवरायांना मानवंदना अर्पण करण्यात आली. अवंतिका भोर यांनी शौर्यपूर्ण प्रात्यक्षिक सादर करून उपस्थितांची दाद मिळवली.