पिंपरी, ता. २४ : तळेगाव दाभाडे येथे एका दुचाकीच्या धडकेत दुसऱ्या दुचाकीवरील दोन बहिणी जखमी झाल्या. याप्रकरणी एका महिलेने तळेगाव दाभाडे पोलिस ठाण्यात फिर्याद दिली. त्यानुसार पोलिसांनी अज्ञात दुचाकी चालकावर गुन्हा दाखल केला. फिर्यादी व त्यांची बहीण सीआरपीएफ कॅन्टीनमध्ये खरेदीसाठी आल्या होत्या. दुचाकीवरून रस्ता ओलांडताना वडगावच्या दिशेने येणाऱ्या दुचाकी चालकाने निष्काळजीपणे वाहन चालवून त्यांच्या दुचाकीला धडक दिली. या अपघातात फिर्यादीच्या डाव्या पायाच्या मांडीला गंभीर दुखापत झाली. अपघातानंतर दुचाकी चालक घटनास्थळावरून पसार झाला.
-------------