पिंपरी, ता. ७ ः आखाती युद्धाच्या पार्श्वभूमीवर औद्योगिक गॅस सिलिंडरचा तुटवडा असल्यामुळे कामगारांवर मोठे संकट कोसळले असून त्यांच्या जेवणाचे हाल होत आहेत. त्यामुळे ‘कम्युनिटी किचन’ सुविधा सुरू करावी. शिवभोजन थाळी केंद्रांची संख्या वाढवावी, अशी मागणी कष्टकरी संघर्ष महासंघाने केली आहे. या मागणीचे निवेदन पिंपरी चिंचवडचे अप्पर तहसीलदार जयराज देशमुख यांना दिले.
यावेळी कामगार नेते काशिनाथ नखाते, राजू बिराजदार, कार्याध्यक्ष इरफान चौधरी, सहदेव व्होनमने, मनोज यादव,आदी उपस्थित होते.