पिंपरी, ता. ८ ः रस्ता ओलांडताना महाविद्यालयीन तरुणाचा भरधाव वाहनाच्या धडकेत मृत्यू झाला. मंगळवारी (ता. ७) दुपारी साडेतीनच्या सुमारास सांगवी फाटा येथील बीआरटी बस स्थानकाजवळ ही दुर्घटना घडली. सोहम दीपक व्यास (वय २०, रा. सांगवी) असे मृताचे नाव आहे. तो बीआरटी रस्ता पायी ओलांडत होता. मनाई असूनही बीआरटी रस्त्यावर आलेल्या वाहनाने त्याला जोरदार धडक दिली. तो बावधन येथील पद्मभूषण वसंतदादा पाटील इन्स्टिट्यूट ऑफ टेक्नॉलॉजीमध्ये डेटा सायन्स शाखेच्या द्वितीय वर्षात शिकत होता. महाविद्यालय सुटल्यानंतर तो घरी जात होता. त्यानंतर वाहनचालक पसार झाला. नागरिकांनी सोहमला तातडीने औंध येथील जिल्हा रुग्णालयात दाखल केले, मात्र उपचारापूर्वीच डॉक्टरांनी त्याला मृत घोषित केले.
-----