पिंपरी, ता. २६ : ओम शांती गंगा ज्येष्ठ नागरिक संघाच्या वतीने दरमहा आयोजित करण्यात येणारा एकत्रित अभीष्टचिंतन सोहळा विरंगुळा केंद्रात उत्साहात पार पडला.
या सोहळ्यात सदस्यांनी गाणी, कविता आणि मनोगतांच्या माध्यमातून वातावरण आनंदमय केले. विशेष म्हणजे, सदस्यांच्या कुटुंबातील एका लहान नातीने हृदयस्पर्शी शब्दांत आपल्या आजी-आजोबांना शुभेच्छा देत मनोगत व्यक्त केले. तिच्या या भावनिक अभिव्यक्तीने उपस्थितांची मने जिंकली.
यावेळी वंदना सोहनी, यशवंत कन्हेरे, उषा तळपटे, उषा गायकवाड, रमाकांत ताटकर, सरोजिनी मुळे, मधुकर धकाते, दीपक साळुंखे आदींचा सत्कार करण्यात आला. विश्वास सोहोनी यांच्या प्रास्ताविकाने सुरुवात झाली. यशवंत कन्हेरे यांनी ज्येष्ठ नागरिकांचे समाजातील स्थान, जबाबदाऱ्या आणि संघाच्या कार्याचा आढावा घेत मार्गदर्शन केले. मधुकर धकाते, शिवानंद चौगुले यांनी आभार मानले.