पिंपरी, ता. २ ः भोसरी एमआयडीसी परिसरातील औद्योगिक आस्थापनांमधील कामगारांच्या आरोग्याच्या दृष्टीने आवश्यक सुविधा उपलब्ध करून देण्याची मागणी फोरम ऑफ स्मॉल स्केल इंडस्ट्रीज असोसिएशनच्या वतीने आरोग्यमंत्री प्रकाश आबिटकर यांच्याकडे करण्यात आली. या मागण्याचे निवेदन असोसिएशनच्या वतीने आरोग्यमंत्र्यांना दिले. यावेळी असोसिएशनचे अध्यक्ष अभय भोर,, उपाध्यक्ष शिवाजी पाटील, वैभव जगताप उपस्थित होते. असोसिएशनच्या शिष्टमंडळाने औद्योगिक परिसरातील आरोग्य व्यवस्थेचा आढावा मांडला. तसेच एमआयडीसी परिसरात प्राथमिक आरोग्य सुविधा अपुऱ्या असल्याचे सांगितले. परिसरात सुसज्ज प्रथमोपचार केंद्र स्थापन करणे, नियमित औषध फवारणी व रोगप्रतिबंधक उपाययोजना राबविणे, औद्योगिक क्षेत्र स्वच्छता व कचरा व्यवस्थापनामध्ये आवश्यक सुधारणा करणे, या मागण्या करण्यात आल्या.