रावेत, ता. १९ ः पिंपरी चिंचवड महापालिकेच्या रावेत क्र. ९७ शाळेत आयडीबीआय बँक, रावेत शाखेतर्फे इयत्ता पहिलीच्या विद्यार्थ्यांसाठी २५ बाक आणि एक डायस शाळेला देण्यात आला. बालदिन आणि भगवान बिरसा मुंडा यांच्या १५०व्या जयंतीनिमित्त जनजाती गौरव दिनाचे औचित्य साधत हा उपक्रम राबविण्यात आला.
बँकेचे रावेत शाखेचे व्यवस्थापक यांनी विद्यार्थ्यांना बाक हस्तांतरण केले. कार्यक्रमाची सुरुवात पंडित जवाहरलाल नेहरू यांना अभिवादन करून झाली. विद्यार्थ्यांनी नेहरूंच्या जीवन कार्याविषयी माहिती सादर केली. तसेच आदिवासी नृत्य सादर करून उपस्थितांचे मन जिंकले.
मुख्याध्यापिका सायरा शिकलगार, माध्यमिक विभाग प्रमुख रामेश्वर पवार तसेच सर्व शिक्षक उपस्थित होते.