रावेत, ता.२ ः आंतरराष्ट्रीय कृष्णभावनामृत संघ (इस्कॉन), श्री गोविंद धामच्यावतीने रावेत येथे नववर्षाच्या पहिल्याच दिवशी भव्य गीता महोत्सवाचे आयोजन करण्यात आले. ‘दिव्यतेचा स्पंदन’ या संकल्पनेवर आधारित या कार्यक्रमात दोन हजारांहून अधिक नागरिकांनी सहभागी होत आध्यात्मिक ऊर्जेचे ग्रहण केले.
जागतिक शांतता, समृद्धी आणि सामूहिक एकात्मतेचा संदेश देण्यासाठी हा कार्यक्रम आयोजित करण्यात आला.
यावेळी कीर्तन, सामुदायिक गीता पाठ विशेष प्रवचन करण्यात आले. या सामूहिक गीता पाठात सहभागी होणाऱ्या वाचकांसाठी इस्कॉनतर्फे विशेष उपहारांची व्यवस्था करण्यात आली होती. यामध्ये श्रीमद्‍ भगवतगीता ग्रंथ, मासिक पत्रिका ग्रंथ, गीता पठण सहभाग प्रमाणपत्र, बॅग आणि महाप्रसाद वाटप करण्यात आले.