तळेगाव दाभाडे, ता. १० : भगवान महावीर स्वामी यांच्या जन्म कल्याणक दिनानिमित्त आयोजित आरोग्य तपासणी शिबिरास मोठा प्रतिसाद मिळाला. रोटरी क्लब ऑफ तळेगाव दाभाडे सिटी व जैन सोशल ग्रुप यांच्या पुढाकाराने या शिबिराचे आयोजन करण्यात आले.
शिबिरात ७० जणांचे डोळे तपासून त्यामध्ये मोतीबिंदू निदान झालेल्या रुग्णांचे मोफत शस्त्रक्रिया करण्यात येणार आहे. तसेच १७६ लोकांची हिमोग्लोबिन चाचणी, १२० जणांच्या हाडाचा ठिसूळपणा तपासण्यात आला. 49 जणांनी रक्तदान केले. यावेळी माजी नगरसेवक प्रकाश ओसवाल, जैन मंदिराचे विश्वस्त अनिल मेहता, भवरमल संघवी, दिनेश वाडेकर, विलास काळोखे, दिलीप पारेख, भगवान शिंदे, प्रशांत ताये, प्रदीप टेकवडे यांनी भेट दिली.
मायमर मेडिकल कॉलेजच्या पथकाने राहुल पारगे यांच्या नेतृत्वात नियोजन केले. रोटरी सिटीचे अध्यक्ष किरण ओसवाल, जैन सोशल ग्रुपचे अध्यक्ष हितेश राठोड यांनी स्वागत केले. कार्यक्रमाचे नियोजन राकेश ओसवाल, विनोद राठोड, राजेंद्र शहा, इंदर सोलंकी, समीर परमार, भरत राठोड, संजय सोलंकी, नीलेश जैन, घनश्याम राठोड, संजय ओसवाल यांनी केले.