तळेगाव दाभाडे : नगर परिषद आणि गोल्डन रोटरी यांच्या विद्यमाने तिरंगा रॅलीचे आयोजन करण्यात आले. यावेळी ‘सीआरपीएफ २४२ बटालियन’चे कृष्णकांत झा यांनी मार्गदर्शन केले. रॅली मार्गावर रस्त्याच्या दोन्ही बाजूंनी नागरिकांनी देशभक्तीच्या घोषणा देत आणि पुष्पवृष्टी करत स्वागत केले. नितीन मुळे यांनी रॅलीला शुभेच्छा दिल्या.
या प्रसंगी शंकरराव शेळके, किरण ओसवाल, कल्याणी लाडे, बसप्पा भंडारी, धनश्री काळे, दीक्षा वाईकर, सुजाता देव, कविता खोल्लम, अध्यक्ष संतोष परदेशी, शिल्पा रोडगे आदी उपस्थित होते. विद्यार्थ्यांसह नागरिक व जवानांनी तिरंगा ध्वजाचा सन्मान राखण्याची शपथ घेतली. वैशाली खळदे, शोभा परदेशी, कमला देशमाने, आशा किल्लेवाला यांनी औक्षण केले. मंत्रा सिटी येथून सुरू झालेली रॅली बीएसएनएल कार्यालय, मामासाहेब खांडगे चौक, बेटी बचाव बेटी पढाव चौक मार्गे मारुती मंदिरमार्गे निघाली. कार्यक्रम यशस्वी करण्यासाठी सौरभ मेहता, विकी बेलेकर, प्रदीप मुंगसे, दिनेश चिखले, चेतन पटवा, विजय गोपाळे यांनी नियोजन केले. प्रास्ताविक रितेश फाकटकर, प्रदीप टेकवडे यांनी सूत्रसंचालन, प्रशांत ताये यांनी आभार मानले.