तळेगाव दाभाडे, ता. १० ः पनवेल ते कामशेत असा बस प्रवास करत असताना एका महिलेच्या पर्समधील सहा लाख ३४ हजार रुपयांचे दागिने चोरीला गेले आहेत. ही घटना मंगळवारी सकाळी दहा ते दुपारी बारा या कालावधीत घडली आहे.
याप्रकरणी लोणावळा शहर पोलिस ठाण्यात हिराबाई धनाजी पाटील (वय ४५ रा. चिंचवड) यांनी फिर्यादी दिली आहे. फिर्यादीवरून पोलिसांनी अज्ञात चोराविरोधात गुन्हा दाखल केला आहे. पोलिसांनी दिलेल्या माहितीनुसार, फिर्यादी महिला या पनवेल ते कामशेत असा बस प्रवास करत होत्या. यावेळी चोराने पर्समधील सहा लाख ३४ हजार रुपयांचे दागिने चोरले. यामध्ये बोरमाळ कानातील सोन्याची साखळी, दहा तोळ्याची चांदीची चैन व रोख सहा हजार रुपये असा एकूण सहा लाख ३४ हजार रुपयांचे दागिने चोरीला गेले आहेत. पुढील तपास लोणावळा शहर पोलिस करत आहेत.