वडगाव मावळ, ता. ७ : आषाढी एकादशीनिमित्त श्री क्षेत्र भंडारा डोंगरावर भाविकांनी दर्शनासाठी गर्दी केली होती. मंदिरात उद्योजक किरण आहेर यांच्या वतीने फुलांची आकर्षक सजावट करण्यात आली होती. त्यामुळे मंदिर अतिशय शोभून दिसत होते. सकाळी उद्योजक किरण आहेर, कृषी उत्पन्न बाजार समितीचे संचालक दिलीप ढोरे, वाकड येथील उद्योजक काळुराम कलाटे व मीनानाथ लगड, दत्तात्रय कस्पटे, संगीता कलाटे, अर्चना आहेर, शुभांगी ढोरे आदींच्या हस्ते महापूजा झाली. श्री क्षेत्र भंडारा डोंगराचे अध्यक्ष बाळासाहेब काशीद पाटील, विश्वस्त शांताराम कराळे पाटील, सचिव जोपाशेठ पवार, संदीप बोत्रे, भाऊसाहेब कराळे, संजय पवार, संजय गाडे, राजेंद्र गाडे, धनंजय गाडे, राजू कडलक आदी उपस्थित होते. दिवसभरात हजारो भाविकांनी दर्शनाचा लाभ घेतला.