वाकड, ता. ९ : थेरगाव येथील प्रगती शिक्षण संस्था संचलित सौ. राणुबाई नागुभाऊ बारणे विद्यालयात गुरुपौर्णिमा साजरी करण्यात आली. त्यानिमित्त चित्रकला स्पर्धा व विविध उपक्रम राबविण्यात आले. यावेळी माजी नगरसेविका माया बारणे, माजी विरोधी पक्षनेते संतोष बारणे, मुख्याध्यापिका प्रिया पवार, मुख्याध्यापिका वैष्णवी देशपांडे यांच्यासह सर्व शिक्षकवृंद उपस्थित होते. सर्व शिक्षकांच्या हस्ते सरस्वती व व्यास पूजन झाले आले. इयत्ता दहावीच्या विद्यार्थ्यांनी गुरुपौर्णिमेनिमित्त मनोगते व्यक्त केली. विद्यार्थ्यांनी शिक्षकांप्रती कृतज्ञता व्यक्त करत त्यांचा गौरव केला. वैष्णवी देशपांडे यांनी आयोजन केले. दहावीच्या विद्यार्थ्यांनी सूत्रसंचालन केले.