वाकड, ता. १४ : थेरगावातील गणेशनगरामध्ये तक्षशिला बुद्ध विहारात २२ व्या वर्षावास वर्षानिमित्ताने डॉ. बाबासाहेब आंबेडकर लिखित ‘तथागत भगवान गौतम बुद्ध व त्यांचा धम्म’ या विषयावर धम्मचक्र प्रवचन मालिकेचे आयोजन करण्यात आले आहे. रविवारी (ता. १३) भारतीय बौद्ध महासभेचे अध्यक्ष बापू गायकवाड यांचे बौद्धांची पवित्र स्थळे या विषयावर व्याख्यान झाले.
संघाचे अध्यक्ष दिलीप रणपिसे, सचिव चंद्रकांत गायकवाड, विश्वस्त शांताराम क्षीरसागर, भैय्यासाहेब भागवत, लालचंद गायकवाड, पंडित बाविस्कर, आप्पासाहेब जाधव, पार्वती सूर्यवंशी, निलावती गायकवाड, रत्नमाला कांबळे, रत्नमाला गायकवाड, पंचशील कांबळे आदींनी संयोजन केले.
गायकवाड म्हणाले, ‘‘भगवान बुद्धांनंतर २६२ वर्षांनी सम्राट अशोक याने जेथे भगवान बुद्धांनी वास्तव करून धम्म सांगितला, अशा ८४ हजार स्तूप लेणी उभारून पुन्हा धम्माचे अस्तित्व निर्माण केले.’’