वाकड, ता. २७ : थेरगाव येथील गणेशनगर ज्येष्ठ नागरिक संघाचा विसावा वर्धापनदिन पार पडला. या प्रसंगी ७५ वर्षात पदार्पण केलेल्या व त्यापुढील ज्येष्ठांचा सत्कार झाला. प्रकाश हेरेकर, श्रद्धा खोल्लम, गिरीश भारंबे यांच्या संगीतछायाचे सादरीकरण झाले.
या प्रसंगी अनिकेत प्रभू, नगरसेवक नीलेश बारणे, नगरसेविका शालिनी गुजर, करिष्मा बारणे, ज्येष्ठ नागरिक महासंघाच्या अध्यक्षा वृषाली मरळ आदी उपस्थित होते. मृदुला येवलेकर, सिंधु मठपती, कुमुदिनी घोडके, यांच्या गणेश वंदनेणे सभेला सुरुवात झाली. गणेश विपट यांनी संघाच्या कार्याचा आढावा घेतला. तात्याबा तोरसे यांनी जमा खर्चाचा लेखाजोखा दिला. संघाचे अध्यक्ष विष्णुपंत तांदळे यांनी प्रस्तावना केली. नागनाथ तोडकरी, प्रमोद वाळणकर, राजेंद्र परदेशीं, रमेश रासेकर, कृष्णा कळसकर यांचे सहकार्य लाभले. जयश्री श्रीखंडे, सुरेंद्र विसपुते यांनी सूत्रसंचालन केले. नामदेव शेकोकर यांनी आभार मानले.