वडगाव मावळ (पुणे) : मावळ तालुक्यात मंगळवारी तळेगाव येथील सहा, टाकवे खुर्द येथील तीन, कामशेत व सोमाटणे येथील प्रत्येकी दोन; तर वडगाव, लोणावळा, भाजे, सुदुंबरे, सुदवडी व वराळे येथील प्रत्येकी एक अशा एकूण १९ जणांचे कोरोना चाचणी अहवाल पॉझिटिव्ह आले आहेत. त्यामुळे तालुक्यातील कोरोना रुग्णांची संख्या अडीचशे पार म्हणजे २५५ झाली आहे. त्यात शहरी भागातील ९३, तर ग्रामीण भागातील १६२ जणांचा समावेश आहे. 

ताज्या बातम्यांसाठी डाऊनलोड करा ई-सकाळचे ऍप 

पिंपरी-चिंचवडच्या बातम्या वाचण्यासाठी येथे ► क्लिक करा

तळेगाव शहरात सहा नवीन रुग्णांची भर पडल्याने तेथील रुग्ण संख्या ६८ झाली आहे. लोणावळा येथील १७, तर वडगाव येथील रुग्ण संख्या सात झाली आहे. आतापर्यंत नऊ जणांचा मृत्यू झाला असून, ८७ जणांनी कोरोनावर मात केली आहे. सक्रिय १५९ रुग्णांपैकी ७६ लक्षणे असलेले, तर ८३ लक्षणे नसलेले आहेत. लक्षणे असलेल्या ७६ जणांपैकी ६१ जणांमध्ये सौम्य, तर १३ जणांमध्ये मध्यम स्वरूपाची लक्षणे आहेत. दोन जण अत्यवस्थ आहेत. ११९ जणांवर विविध ठिकाणी उपचार सुरु असून, ४० जण गृहविलगीकरणात असल्याची माहिती तहसीलदार मधुसूदन बर्गे व तालुका आरोग्यधिकारी डॉ. चंद्रकांत लोहारे यांनी दिली.