- बेलाजी पात्रे

वाकड - केंद्रीय लोकसेवा आयोगाच्या नागरी सेवा परीक्षेत (युपीएससी) ताथवडेतील रहिवाशी व ज्येष्ठ नेते माजी खासदार विदुरा नवले यांच्या नातसून जान्हवी सुमेश नवले यांनी दुसर्‍यांदा यश संपादन केले आहे. जान्हवी १४५ रँक मिळवून उत्तीर्ण झाल्याचे समजताच नवले कुटुंबिय व ताथवडेकरांनी जल्लोष केला.

देशात १४५ वा क्रमांक मिळविलेल्या जान्हवी २०२० च्या नागरी सेवा परीक्षेतपण त्यांची निवड झाली होती व सध्या त्या दिल्ली येथे कार्यरत आहेत. त्यांनी स्थापत्य अभियांत्रिकी पदवी घेतलेली आहे.

अभ्यासातील सातत्य व चिकाटी तसेच घरातील मंडळींचा पाठिंबा यामुळे हे यश संपादन करू शकल्याचे त्या सांगतात. माजी खासदार विदुरा नवले यांच्या त्या नातसून आहेत व नाशिक परिक्षेत्राचे विशेष पोलिस महानिरीक्षक डॉ. बी. जी. शेखर-पाटील यांच्या त्या कन्या आहेत.