Amruta Khanvilkar: सध्या सोशल मीडियावर दिग्दर्शक संजय लीला भन्साळी (Sanjay Leela Bhansali) यांच्या "हिरामंडी" (Heeramandi) या वेब सीरिजची चर्चा होत आहे. या वेब सीरिजमधील कलाकारांच्या अभिनयाला आणि या वेब सीरिजमधील डायलॉग्सला नेटकऱ्यांची पसंती मिळाली. अशातच आता मुंबई पोलिसांच्या इन्स्टाग्राम पेजवर हिरामंडी या वेब सीरिजमधील डायलॉग शेअर करुन नागरिकांना एक खास संदेश देण्यात आला आहे. मुंबई पोलिसांची ही पोस्ट अभिनेत्री अमृता खानविलकरने (Amruta Khanvilkar) रिपोस्ट केली आहे.

मुंबई पोलिसांची पोस्ट

मुंबई पोलिसांनी त्यांच्या इन्स्टाग्राम पेजवर एक पोस्ट शेअर केली आहे. या पोस्टमध्ये लिहिलं आहे, "एक बार देख लीजिए दीवाना बना दीजिए चालान काटने के लिए तैय्यार है हम तो हेलमेट पहन लीजिये!" तसेच मुंबई पोलिसांच्या दुसऱ्या पोस्टमध्ये लिहिलं आहे, "पुराने पासवर्ड दोहरे नहीं जाते, भुला दिए जाते हैं!", "ओटीपी बताने और बर्बाद होने के बीच में कोई फरक नहीं होता!", असंही या पोस्टमध्ये लिहिलं आहे.

अमृताची पोस्ट

अमृताने एक इंस्टाग्राम स्टोरी टाकून मिश्किलपणे मुंबई पोलीस आणि त्यांचा भन्नाट क्रिएटिव्हच कौतुक केलं आहे. "मुंबई पोलीस गॉट नो चिल्ल उफ्फ ये अदाये " असं खास कॅप्शन देऊन अमृतानं मुंबई पोलिसांची पोस्ट रिपोस्ट केली आहे.

आपल्या सगळ्यांच्या सुरक्षेसाठी 24/7 काम करणाऱ्या मुंबई पोलिसांच करावं तेवढं कमीच आहे. कायम नागरिकांना सुरक्षित राहण्यासाठी त्यांची काळजी घेण्यासाठी ते त्यांना आव्हान करत असतात पण मुंबई पोलीस यांनी एकदम फिल्मी स्टाईल आता नागरिकांना सुरक्षित राहण्याच आव्हानं केलं आहे.

अमृता कायम तिच्या सोशल मीडियावरून चर्चेत असलेली अभिनेत्री आहे. ती वेगवेगळ्या पोस्ट सोशल मीडियावर शेअर करते आणि तिची आजची ही इन्स्टा स्टोरी मुंबई पोलीस यांच्यासाठी खास आहे.