गेले अनेक दिवस ज्या लग्नाची सोशल मीडियावर जोरदार चर्चा होती ते लग्न अखेर पार पडलं. १२ जुलै रोजी अनंत अंबानी आणि राधिका मर्चंट यांनी लग्नगाठ बांधली. या लग्नाला जगभरातून अनेक पाहुणे आले होते. त्यांच्या लग्नाचे अनेक व्हिडिओ सोशल मीडियावर व्हायरल झाले. अशातच आता अनंत राधिकाच्या लग्नाचे न पाहिलेले व्हिडीओदेखील सोशल मीडियावर व्हायरल होत आहेत. हे व्हिडिओ पाहून नेटकरीही अवाक झाले आहेत.
राधिका मर्चंटची एंट्री अत्यंत दमदार पद्धतीने करण्यात आली. तिच्या एंट्रीचा एक व्हिडीओ व्हायरल होतोय ज्यात ती एका नावेत बसून मंडपात आली आहे. तिच्या एंट्रीला लोकप्रिय गायिका श्रेया घोषाल गाणं गात आहे. त्यानंतर राधिका फुलांच्या चादरीच्या खाली चालत आपल्या होणाऱ्या नवऱ्याच्या दिशेने जाताना दिसतेय. तिचं हसू पाहण्यासारखं आहे.
एका व्हिडिओमध्ये राधिका भावुक होताना दिसत आहे. ज्यात ती अनंताच्या दिशेने जात आहे. राधिकाच्या वडील वीरेन मर्चंट तिला नवरदेवाच्या दिशेने नेत आहेत. मात्र त्याच्याकडे जाण्यापूर्वी ती आपल्या वडिलांना मिठी मारते आणि रडताना दिसतेय.
एका व्हिडिओमध्ये राधिकाला हार घालताच अनंताच्या आनंदाला पारावर उरलेला नाहीये. लग्न झाल्यानंतर तो खूप आनंदी दिसतोय. तो राधिकाच्या हात हातात धरून नाचताना दिसतोय. तर राधिका लाजताना दिसतेय. त्यानंतर त्यांच्या सप्तपदीचा व्हिडिओदेखील व्हायरल होतोय. आणखी एका व्हिडिओत ते दोघे अग्नीला साक्ष ठेवून शपथ घेताना दिसत आहेत. त्यांच्या लग्नाचे हे व्हिडिओ प्रचंड व्हायरल होत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.