> अशोक सराफ-वर्षा उसगांवकर ही जोडी तब्बल 20 वर्षांनी पुन्हा एकत्र दिसणार आहे.
>‘अशोक मामा’ मालिकेत मंगळागौर स्पेशल भागात वर्षा उसगांवकर दिसणार आहे.
>सेटवरचा फोटो व्हायरल झाल्याने चाहत्यांमध्ये मोठी उत्सुकता आहे.
मराठी चित्रपटसृष्टीतील अशोक सराफ आणि वर्षा उसगांवकर यांची जोडी एकेकाळी सुपरहिट होती. या ऑनस्क्रीन जोडीला प्रेक्षकांची खूप पसंती मिळालीय. या जोडीने एकत्र अनेक चित्रपट केले आणि ते सुपरहिट सुद्धा ठरले. जवळपास 18 ते 20 वर्षांनंतर ही जोडी पुन्हा प्रेक्षकांना अनुभवायला मिळणार आहे. कोणत्या प्रोजक्टमध्ये ही जोडी पहायला मिळणार? याची उत्सुकता प्रेक्षकांना लागली आहे.
काही दिवसांपूर्वी 'आई तुळजाभवानी' मालिकेतील अभिनेत्री मृणाल साळुंखे हिने वर्षा उसगांवकर आणि अशोकमामांची भेट घेतली. यावेळी तिने फोटो शेअर केले. हे फोटो सेटवरचे असल्याचं पहायला मिळालं. त्यामुळे ही जोडी पुन्हा एकत्र दिसणार असल्याच्या चर्चा रंगू लागल्या.
ही सुपरहिट जोडी चित्रपटात नाहीतर मालिकेमध्ये पहायला मिळणार आहे. 'अशोक मा.मा.' या मालिकेत वर्षा उसगांवकर हिची एन्ट्री होणार आहे. वर्षा उसगांवरकर यांचा एक मंगळागौरीचा विशेष भाग दाखवण्यात आला आहे. ज्यामध्ये अशोकमामा सुनेची मंगळागौर एकदम थाटामाटात साजरी करताना दाखवण्यात आलं आहे. यावेळी अशोक मामांची मैत्रिण म्हणून वर्षा उसगांवकर दिसणार आहे.
अशोक सराफ आणि वर्षा उसगांवकर किती वर्षांनी एकत्र दिसणार आहेत?
जवळपास 20 वर्षांनी ही सुपरहिट जोडी पुन्हा प्रेक्षकांना पाहायला मिळणार आहे.
ते कोणत्या प्रोजेक्टमध्ये एकत्र दिसणार आहेत?
दोघे ‘अशोक मामा’ या मालिकेत एकत्र दिसणार आहेत.
वर्षा उसगांवकर कोणत्या भूमिकेत दिसणार आहे?
वर्षा उसगांवकर अशोक मामांची मैत्रिण म्हणून खास मंगळागौर भागात दिसणार आहे.
फोटो कसा व्हायरल झाला?
‘आई तुळजाभवानी’ फेम मृणाल साळुंखेने सेटवरील फोटो शेअर केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.