Aishwarya Rai Bachchan Cannes 2024: कान्स फेस्टिव्हलमध्ये (Cannes 2024) बॉलिवूडमधील कलाकार सहभाग घेत आहेत. अशातच अभिनेत्री ऐश्वर्या राय बच्चननं (Aishwarya Rai Bachchan) देखील या फेस्टिव्हलमध्ये हजेरी लावली. ऐश्वर्यानं कान्स फेस्टिव्हलसाठी केलेल्या लूकची चर्चा झाली. ऐश्वर्याचा फ्रॅक्चर झालेल्या हातानं देखील अनेकांचे लक्ष वेधलं. पण सध्या ऐश्वर्यासोबतच तिची लेक आराध्याचं देखील कौतुक होत आहे.

ऐश्वर्याचा लूक

ऐश्वर्यानं कान्स फिल्म फेस्टिव्हलसाठी खास लूक केला होता. ब्लॅक अँड व्हाईट कलरचा ड्रेस त्यावर डोल्डन कलरची ज्वेलरी अन् गोल्डन इअरिंग्स अशा लूकमध्ये ऐश्वर्या दिसली. यावेळी ऐश्वर्याचा हात फ्रॅक्चर झालेला दिसला. अशातच आराध्या ही आईची काळजी घेत होती. त्यामुळे तिचं सध्या कौतुक होत आहे.

आराध्याचं होतंय कौतुक

अनेकजण सोशल मीडियावर आराध्याचं आईची काळजी घेतल्याबद्दल कौतुक करत आहेत. एका नेटकऱ्यानं ऐश्वर्याचे कान्स फेस्टिव्हलमधील फोटो शेअर करुन कॅप्शनमध्ये लिहिल, "ऐश्वर्या जिथे जाते तिथे आराध्या तिला फॉलो करते.आराध्या आईला सपोर्ट करत होती."

दुसऱ्या युझरनं ट्वीटमध्ये लिहिलं, "आराध्या ही आतापर्यंतची सर्वात जास्त संस्कृती जपणारी स्टारकिड आहे. तिचे तिच्या आईवरचे बिनशर्त प्रेम आहे."

ऐश्वर्याचा शेवटची पोन्नियिन सेल्वन: 2 हा मणिरत्नम दिग्दर्शित चित्रपट गेल्या वर्षी रिलीज झाला होता. आता ऐश्वर्याच्या आगामी चित्रपटांची प्रेक्षक उत्सुकतेने वाट बघत आहेत.

ऐश्वर्या आणि आराध्याशिवाय कियारा अडवाणी आणि शोभिता धुलिपाला या देखील कान्समध्ये हजेरी लावणार आहेत. उर्वशी रौतेला आणि शार्क टँक इंडियाची परीक्षक नमिता थापरने देखील कान्स 2024 मध्ये सहभाग घेतला.