Dharmaveer 2 Trailer: गेले अनेक दिवस ज्या चित्रपटाची सोशल मीडियावर जोरदार चर्चा आहे त्या 'धर्मवीर २'चा ट्रेलर अखेर प्रदर्शित करण्यात आला. 'धर्मवीर' चित्रपटाला प्रेक्षकांचा जोरदार प्रतिसाद लाभल्यानंतर आता 'धर्मवीर २' प्रेक्षकांच्या भेटीला येतो आहे. मोठ्या धुमधडाक्यात या चित्रपटाचा ट्रेलर प्रदर्शित करण्यात आला. या ट्रेलरची आता सोशल मीडियावर जोरदार चर्चा आहे. या सोहळयाला मराठीसह बॉलिवूडमधील अनेक दिग्गज अभिनेत्यांनी हजेरी लावली होती. या कार्यक्रमाला अभिनेता सलमान खान देखील हजर होता. आता त्याचा एक व्हिडिओ चाहत्यांमध्ये व्हायरल होतोय ज्यात सलमान अभिनेते अशोक सराफ यांना घट्ट मिठी मारताना दिसतोय.

'धर्मवीर २' च्या ट्रेलर लाँचला भाईजान सलमान खानसोबत अभिनेता गोविंदा आणि जितेंद्र कपूर यांनीही हजेरी लावली होती. तर मराठी सिनेसृष्टीतील दिग्गज अभिनेते अशोक सराफ आणि महेश कोठारे हे देखील हजर होते. या कार्यक्रमातील एक व्हिडिओ सध्या व्हायरल होतोय ज्यात सलमान खानची एंट्री होताच तो मंचावर जातो. मंचावर आधीपासून हजर असलेल्या अनेकांना तो हस्तोलंदन करतो. मात्र जेव्हा तो अशोक मामांना पाहतो तेव्हा ते दोघेही एकमेकांना पाहून हसतात आणि एक घट्ट मिठी मारतात. मोठी मारताना अशोक सराफदेखील खुलून हसताना दिसत आहेत तर त्याच्या पाठीवर प्रेमाने थोपटताना दिसत आहेत. इतरांपेक्षा थोडा जास्त वेळ तो मामांना मिठी मारतो.

हा व्हिडिओ सध्या सोशल मीडियावर व्हायरल होतोय. त्यावरून नेटकरीही सलमान आणि मामांच्या या भेटीचं कौतुक करत आहेत. आम्हाला तर ठाकूर तो गियो हा डायलॉग आठवला असं ते म्हणत आहेत. त्यांची मिठी पाहून सगळ्यांना 'करण अर्जुन' चित्रपट आठवला आहे. तर त्यानंतर सलमान मुख्यमंत्री एकनाथ शिंदे यांनाही मिठी मारताना दिसतो. त्यांचा हा व्हिडिओ सध्या प्रेक्षकांमध्ये व्हायरल होतोय.