Kangana Ranaut Movie Emergency: अभिनेत्री कंगना रनौत (Kangana Ranaut) ही काही दिवसांपूर्वी निवडणुकीच्या रिंगणात उतरली आहे. कंगनाला हिमाचल प्रदेशच्या मंडी लोकसभा मतदारसंघातून भाजपचं तिकीट मिळाले आहे. सध्या ती निवडणुकीच्या प्रचारात व्यस्त आहे. अशातच आता कंगनाच्या इमर्जन्सी या चित्रपटाची रिलीज डेट पुन्हा पुढे ढकलण्यात आली आहे. कंगनाच्या या चित्रपटाची प्रेक्षक उत्सुकतेने वाट बघत आहेत. पण या चित्रपटाची रिलीज डेट पुढे ढकलण्यात आल्यानं कंगनाचे चाहते नाराज झाले आहेत.

चित्रपटाच्या टीमची पोस्ट

इमर्जन्सी या चित्रपटाची रिलीज डेट पुढे ढकलण्यात आली आहे. याबाबत या चित्रपटाच्या टीमनं एक पोस्ट शेअर करुन माहिती दिली आहे. या पोस्टमध्ये लिहिलं आहे, "आमची क्वीन कंगना रणौत हिच्यावर प्रेमाचा वर्षाव होत आहे. कंगना ही सध्या तिचं देशाप्रती असलेले तिचे कर्तव्य आणि देशसेवेची तिची बांधिलकी, या गोष्टीला प्राधान्य देत आहे. त्यामुळे आमच्या बहुप्रतिक्षित 'इमर्जन्सी' या चित्रपटाची रिलीज डेट पुढे ढकलण्यात आली आहे. आम्ही तुम्हाला लवकरच नवीन रिलीज डेट सांगू. तुमच्या सपोर्टसाठी आम्ही तुमचे आभार मानतो."

इमर्जन्सी या चित्रपटाची रिलीज डेट दोन वेळा पुढे ढकलण्यात आली आहे. याआधी चित्रपट यापूर्वी 14 जून रोजी प्रदर्शित होणार होता. पण आता या चित्रपटाची रिलीज डेट पुढे ढकलण्यात आली आहे. या चित्रपटाच्या नव्या रिलीज डेटची माहिती या अजून देण्यात आली नाही. या चित्रपटाचे दिग्दर्शन आणि लेखनही कंगनाने केले आहे.

इमर्जन्सी या चित्रपटात कंगनासोबतच अनुपम खेर, महिमा चौधरी, मिलिंद सोमण, श्रेयस तळपदे, विशाक नायर आणि दिवंगत सतीश कौशिक हे कलाकार महत्वाच्या भूमिकेत दिसणार आहेत. या चित्रपटात कंगना ही इंदिरा गांधी यांच्या भूमिकेत दिसणार आहे.