Munjya Movie Twitter Review: बॉलिवूड चित्रपटांमध्ये गेल्या काही दिवसांपासून वेगवेगळे प्रयोग होताना बघायला मिळत आहेत. अशातच आता मुंज्या (Munjya) हा चित्रपट प्रेक्षकांच्या भेटीला आला आहे. भारतीय हॉरर चित्रपटातील मुंज्या हे पहिले CGI (Computer Generated Imaginary) पात्र आहे. मुंज्या हा चित्रपट आज रिलीज झाला आहे. मध्यरात्री देखील या चित्रपटाचे काही शो झाले. हे शो हाऊसफुल ठरले आहेत. अशातच मुंज्या हा चित्रपट पाहिल्यानंतर अनेक नेटकऱ्यांनी या चित्रपटाचं कौतुक केलं आहे. काही नेटकऱ्यांनी या चित्रपटाचा रिव्ह्यू सोशल मीडियावर शेअर केला आहे.
मुंज्या या चित्रपटात शरवरी वाघ, मोना सिंह आणि अभय वर्मा यांनी प्रमुख भूमिका साकारली आहे. या चित्रपटात हॉरर आणि कॉमेडीचा तडका प्रेक्षकांना बघायला मिळत आहे. या चित्रपटाचे दिग्दर्शन आदित्य सरपोतदार यांनी केले आहे.
अनेक नेटकऱ्यांनी मुंज्या या चित्रपटाचं कौतुक केलं आहे. एका नेटकऱ्यानं ट्वीटमध्ये लिहिलं, "मुंज्या या चित्रपटाची आपण खूप वाट बघत होतो. हा चांगला हॉरर कॉमेडी चित्रपट आहे. कलाकार, कथा, व्हीएफएक्स हे सर्व चांगले आहे. हा चित्रपट चुकवू नका."
"आता मुंज्या चित्रपटाचा मिडनाइट शो बघत आहे. शो 100% हाऊसफुल आहे. ओपनिंग सीन मस्त आहे.", असंही एका नेटकऱ्यानं ट्वीटमध्ये लिहिलं.
एका ट्विटर (X) युझरनं ट्वीटमध्ये लिहिलं, "माझी या चित्रपटाकडून शून्य अपेक्षा होती, मी चित्रपटाचा ट्रेलरही पाहिला नव्हता. पण चित्रपट पाहिल्यानंतर आश्चर्यचकित झालो. चित्रपट चांगला आहे."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.