Rakhi Sawant Share Video: अभिनेत्री राखी सावंत (Rakhi Sawant) ही नेहमी कोणत्या न कोणत्या कारणामुळे चर्चेत असते. राखी ही सध्या तिच्या तब्येतीच्या कारणामुळे चर्चेत आहे. राखीच्या शरीरात ट्युमर आढळला आहे. त्यामुळे राखीवर आज शस्त्रक्रिया होणार आहे. याबाबत राखीनं एक व्हिडीओ शेअर करुन माहिती दिली आहे. राखीचे सर्व चाहते सध्या तिच्या तब्येतीसाठी प्रार्थना करत आहेत.

राखीनं चाहत्यांना केलं आवाहन

शरीरात 10 सेमीचा ट्युमर आढळल्यानं राखीवर आता शस्त्रक्रिया होणार आहे. अशातच सर्जरीला जाण्यापूर्वी राखीनं एक व्हिडीओ शेअर करुन चाहत्यांना तिच्यासाठी प्रार्थना करण्याचं आवाहन केलं आहे. व्हिडीओमध्ये दिसत आहे की राखी म्हणते, "मी सर्जरीसाठी ऑपरेशन थिएटरमध्ये जात आहे. मी हसत-हसत जाणार आहे आणि हसतच येणार आहे. मी आयुष्यात खूप मोठ्या दु:खाचा सामना केला आहे. चाहत्यांनो प्लिज माझ्यासाठी प्रार्थना करा. मला माझ्या आईची आठवण येत आहे. मला खूप वेदना होत आहेत. मी नक्कीच लवकर बरी होऊन लवकर परत येणार आहे. माझ्या शरीरात ट्युमर आहे, तो डॉक्टर काढून टाकतील."

पाहा व्हिडीओ:

राखीचा पूर्वाश्रमीचा पती रितेशनं देखील एक व्हिडीओ सोशल मीडियावर शेअर केला आहे. या व्हिडीओमध्ये राखी ही व्हिल चेअरवर बसलेली दिसत आहे. राखीच्या या व्हिडीओला रितेशनं कॅप्शन दिलं, "दिल रो रहा है, डर भी लग रहा है.पर मेरे ऊपर वाले पर विश्वास है के मेरा बुरा नहीं करेंगे. राखी जी ऑपरेशन थिएटर में जा रही है. वो अपनी मां को मिस कर रही है"