चित्रपट निर्माते राम गोपाल वर्मा यांनी सलमान खान आणि लॉरेन्स बिश्नोई प्रकरणावरील आपल्या पोस्टने सोशल मीडियावर खळबळ उडवून दिली आहे, ज्यामध्ये त्यांनी सलमानला बिश्नोईला उलट धमकी देण्याचे आवाहन केले आहे.

दरम्यान माजी मंत्री बाबा सिद्दीकी यांच्या हत्येची जबाबदारी लॉरेन्स बिश्नोई टोळीने घेतली आहे. यावर आता राम गोपाल वर्मा यांनी आपले X वर पोस्ट शेअर करत आपले मत व्यक्त केले आहे.

आपल्या स्पष्ट विधानांसाठी ओळखले जाणारे राम गोपाल वर्मा म्हणाले की, सलमान खान या कठीण परिस्थितीत बिश्नोईकडून असलेल्या वाढत्या धोक्याला उत्तर देईल अशी आशा आहे. त्यांच्या पोस्टमध्ये वर्मा यांनी लिहिले की, "सलमान खानने 'बी' ला सुपर काउंटर धमकी द्यावी, नाहीतर टायगर स्टार भ्याड असल्यासारखे दिसेल. एसकेने त्याच्या चाहत्यांसाठी हे केले पाहिजे आणि तो 'बी' पेक्षा मोठा आहे. तो एक सुपरहिरो आहे."

दरम्यान राम गोपाल वर्मा यांनी त्यांच्या पोस्टमध्ये 'बी' असा उल्लेख लॉरेन्स बिश्नोईसाठी केल्याचे त्यांच्या पोस्टमधील वाक्यांमधून दिसते.

सलमान खान आणि लॉरेन्स बिश्नोई यांच्यातील वादाच्या पार्श्वभूमीवर राम गोपाल वर्मा यांचे हे वक्तव्य आले आहे. लॉरेन्स बिश्नोई हा एक गुंड आहे आणि 1998 च्या काळवीट शिकार घटनेबद्दल सलमानविरुद्ध 25 वर्षांचा सूड उगवण्याचा प्रयत्न करत आहे.

दुसऱ्या पोस्टमध्ये, राम गोपाल वर्मा यांनी संपूर्ण परिस्थिती किती विचित्र वाटली यावर उपहासात्मक टिप्पणी केली. नाव न घेता, त्यांनी या घटनांचे वर्णन 'खराब चित्रपटाची पटकथा' असे केले आहे. त्याने लिहिले, "एक वकील, गुंड बनला, सुपरस्टारला मारून हरणाच्या मृत्यूचा बदला घ्यायचा आहे... ही आतापर्यंतची सर्वात अविश्वसनीय आणि हास्यास्पद पटकथा वाटते."