Salman Khan Death threat case: बॉलिवूडमधील प्रसिद्ध अभिनेता सलमान खानल (Salman Khan) 25 वर्षीय तरुणानं जीवे मारण्याची धमकी दिली आहे. बनवारीलाल लातुरलाल गुजर असं या तरुणाचं नाव असून त्यानं एका युट्यूबवर एक व्हिडीओ शेअर करुन सलमानला जीवे मारण्याची धमकी दिली. या प्रकरणी पोलिसांनी राजस्थानमधून (Rajasthan) या तरुणाला अटक केली आहे.
मुंबई सायबर पोलिसांनी बनवारीलाल लातुरलाल गुजर या व्यक्तीविरुद्ध गुन्हा नोंदवला आहे. त्यानं अरे छोड़ो यार नावाच्या यूट्यूब चॅनेलवर व्हिडीओ शेअर केला. या व्हिडीओमध्ये त्यानं बिश्नोई गँगचा आणि सलमान खानला जीवे मारण्याच्या प्लॅनचा उल्लेख केला.
मुंबई गुन्हे शाखेने आरोपी बनवारीलाल लातुरलाल गुजर याला राजस्थानच्या बोर्डा गावातून अटक केली. पुढील तपासासाठी त्याला मुंबईत घेऊन जाणार असल्याची माहिती मुंबई गुन्हे शाखेने ANI ला दिली आहे.
14 एप्रिलच्या पहाटे मोटारसायकलवरून आलेल्या दोन व्यक्तींनी सलमान खानच्या वांद्रे भागातील निवासस्थानाबाहेर अनेक गोळीबार केला होता. या प्रकरणानंतर पोलिसांनी सलमानची सुरक्षा वाढवली होती. याप्रकरणी एकूण सहा जणांना पोलिसांनी अटक केली होती. त्यापैकी एक अनुज थापनचा मृत्यू झाला आहे. त्याने लॉकअपमध्ये गळफास लावून आत्महत्या केली, असं सांगण्यात आलं.
सलमान खान हा लवकरच सिकंदर या चित्रपटातून प्रेक्षकांच्या भेटीला येणार आहे. त्याच्या या आगामी चित्रपटाची प्रेक्षक उत्सुकतेने वाट बघत आहेत. ए.आर. मुरुगदोस दिग्दर्शित आणि साजिद नाडियादवाला प्रस्तुत सिकंदर हा चित्रपट 2025 च्या ईदला थिएटरमध्ये रिलीज होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.