अनेकदा एखादा मराठीसह इतर प्रादेशिक भाषेतील चित्रपट गाजल्यानंतर त्याची तुलना हिंदी सिनेइंडस्ट्रीसोबत होते. अनेकदा मराठी सिनेइंडस्ट्रीमधील उणिवा सांगत त्याची तुलना दाक्षिणात्य चित्रपटसृष्टीसोबत केली जाते.
अभिनेता सिद्धार्थ जाधवने सिनेइंडस्ट्रीत होणाऱ्या तुलनेवर भाष्य केले आहे. प्रत्येक फिल्म इंडस्ट्रीचा प्रेक्षकवर्ग वेगळा आहे. त्यामुळे तुलना करणं चुकीचे असल्याचे सिद्धार्थ जाधवने म्हटले. मराठी चित्रपटसृष्टी आपल्या अभिनयाच्या बळावर गाजवून सोडणारा अभिनेता सिद्धार्थ जाधव याने अगदी कमी वेळेतच बॉलीवूडमध्येही आपली छाप सोडली आहे.
दिग्दर्शक रोहित शेट्टीच्या चित्रपटात सिद्धार्थने साकारलेली छोटी भूमिकादेखील प्रेक्षकांच्या पसंतीस उतरली. दाक्षिणात्य चित्रपटसृष्टीत अनेक वेगवेगळ्या धाटणीचे चित्रपट येतात; पण त्यांपैकी फक्त तीन-चार चित्रपट चालतात. एखाद दोन चित्रपटांना यश मिळाले म्हणून त्याची तुलना मराठी सिनेइंडस्ट्रीशी अथवा इतरांशी करणे चुकीचे असल्याचे सिद्धार्थने म्हटले.
देशपातळीवर मराठी चित्रपटांची चर्चा सुरू आहे. मराठी चित्रपटांची स्पर्धा ही इतर सिनेइंडस्ट्रीसोबत नाही. मराठी चित्रपट हा आंतरराष्ट्रीय पातळीवर ओळखला जात आहे. हिंदी, मराठी आणि दाक्षिणात्य सिनेइंडस्ट्री एका कुटुंबासारखी आहे. त्यामुळे तुलना चुकीची असल्याचे मत सिद्धार्थ जाधवने व्यक्त केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.