पुणे - उपनगरात शुक्रवारी मुबलक भाजीपाला उपलब्ध झाला. त्यामुळे भाजीपाल्याचे भाव किलो मागे १०-२० रूपयांनी कमी झाले आहेत. मागील चार दिवसांपासून मार्केट यार्ड बंद असल्याने शहरात सगळीकडे भाज्यांचा तुटवडा आणि दर गगनाला भिडले होते. परंतु शुक्रवारी शहरात मुबलक भाजीपाला उपलब्ध झाल्याने नागरिकांना काही प्रमाणात दिलासा मिळाला.

- बातम्या ऐकण्यासाठी डाऊनलोड करा ई-सकाळचे ऍप

कोरोना विषाणूचा प्रादुर्भावामुळे मार्केट यार्ड बंद होते. त्यामुळे शहरात भाजीपाला, किराणा मालाचा तुटवडा जाणवू लागला होता. परंतु गुरुवार पासून गुळ-भुसार विभाग सुरू झाला आहे. तसेच जिल्ह्यातील अनेक शेतकऱ्यांनी शहरात भाजीपाला विक्रीसाठी आणला. शहरातील विविध भातील किरकोळ विक्रेत्यांना हा भाजीपाला शेतकऱ्यांनी त्यांच्या विक्रीच्या ठिकाणी पोहच केला. त्यामुळे शहरात सर्वत्र भाजीपाला उपलब्ध झाला. तसेच भुसार बाजार सुरू झाल्याने किराणा मालाच्या तुत्वड्याचा प्रश्न संपला आहे. त्यामुळे नागरिकांना काहीप्रमाणात दिलासा मिळाल्याचे चित्र पाहवयास मिळाले.

डॉक्टरांनो, दवाखाने उघडा, नाहीतर कारवाईला सामोरे जा

कोरोना विषाणूच्या भितीने शेतकऱ्यांनी बाजारात माल विक्रीला आणणे थांबविले होते. परंतु राज्य शासनाने शेत मालाच्या वाहतुकीला परवानगी दिल्याने शुक्रवारी शहरात भाजीपाला उपलब्ध झाला. शहरातील वेगवेगळ्या भागात भाज्यांची विक्री करणाऱ्याला किरकोळ दुकानात मोठ्या प्रमाणावर भाजीपाला उपलब्ध होता. शिवाजीनगर, कोथरुड, वारजे-माळवाडी, कर्वेनगर, कात्रज, धनकवडी, बालाजीनगर, पद्मावती, गोकुळ नगर, सुखसागर नगर, परिसरात भाजीपाला उपलब्ध होता.

किरकोळ बाजारातील भाज्यांचे दर
भाज्या              दर
हिरवी मिरची      180
शेवगा               100
गवार                 80
वांगी                   80
फ्लाॕवर                60
 दोडका               60
कोबी                  60
कांदा                  50
बटाटा                 60
लसूण                200

पालेभाज्यांचे गड्डीचे दर
कोथिंबीर             20
मुळा                   30
मेथी                    30
कांदापात              30
अंबाडी                 30
चाकवत                30