मुंढवा, ता. ८ : महाराष्ट्र राज्य माध्यमिक व उच्च माध्यमिक शिक्षण मंडळाचा १०वीचा निकाल जाहीर झाला आहे. यामध्ये खराडीतील पी.डी.ई.ए.एस. इंग्रजी माध्यमिक विद्यालयाने १०० टक्के यशाची परंपरा सलग १२ वर्षांपासून कायम राखली आहे.
या शाळेतील प्रमोद खोडदे व मिलीत रोजेकर यांनी ९५.२० टक्के गुण मिळवीत प्रथम क्रमांक पटकाविला आहे, तर दर्शन साबळे यांने ९५ टक्के आणि ग्रीष्मा नवलपुरे हिने ९३.८० टक्के गुण मिळवून अनुक्रमे द्वितीय व तृतीय क्रमांक प्राप्त केला आहे. मुख्याध्यापिका शिल्पा खांडरे यांनी या विद्यार्थ्यांचे अभिनंदन केले.
दरम्यान, खराडीतील कै. तुकाराम धोंडिबा पठारे विद्यालयाचा ९५.०२ टक्के, तर मुंढव्यातील लोणकर माध्यमिक व उच्च माध्यमिक विद्यालयाचा ९४.०२ टक्के निकाल लागला आहे. लोणकर विद्यालयातील प्रियांकाकुमारी मुखिया हिने (८७.४०) प्रथम, श्रेया कोळपे (८६) हिने द्वितीय, तर रूपाली राठोड (८४.६०) हिने तृतीय क्रमांक पटकाविला आहे. प्राचार्या अनिता शिंदे यांनी या विद्यार्थिनींचे अभिनंदन केले.